Конференцијата и Генералното собрание на Европската унија на музички натпревари за млади (EMCY) се одржаа во Вилнус од 20 до 22 септември 2024, со учество на околу 30 претставници од државни и меѓународни натпревари од Литванија, Норвешка, Германија, Швајцарија, Италија, Украина, Луксембург, Словачка, Чешка, Австрија, Северна Македонија и Данска.

EMCY е европска мрежа основана во 1970 година во Брисел, која обединува повеќе од 50 државни и меѓународни натпревари од триесет европски земји и илјадници млади музичари кои учествуваат на натпреварите на EMCY секоја година. Со примена на строги стандарди за квалитет, организацијата го обезбедува интегритетот на натпреварите и има за цел да помогне во развојот и растот на нови натпревари, да ја зголеми нивната амбиција и конкурентност. EMCY ја нагласува транспарентноста и праведноста во државните и меѓународните музички натпревари и ги промовира основните човечки и демократски вредности, културната разновидност и толеранцијата ширум светот. Во 2022 година, за време на Генералното собрание во Бон, членовите ја усвоија декларацијата „ Европската унија на музички натпревари за млади во поддршка за Украина“. Во 2024 година беше објавено дека сите натпревари што претходно се организирале во Русија беа отстранети од листата на членови затоа што не беа во согласност со статутот на EMCY.

За време на Генералното собрание 2024 година, главните дискусии се водеа на следните теми:

Финансискиот извештај 2022-2024 и идниот буџет / план на активности 2024-2026; Гласање за измените на Статутот кои го проширија географскиот опсег на потенцијални членови и партнери и ги овластија членовите да назначат и именуваат официјални претставници во рамките на организацијата; Извештај за активности, меѓу кои тековни проекти се:

„Musical Storytelling: Cultural Fusion 2022“ / „Musical Storytelling: Let’s Play Together 2022“, „Young Hearts for Music Tour 2023“, „Discover Music Tour 2023/2024“, „Kharkiv Meets Zurich International V. Krainev Competition for Young Pianists 2024“, „Alink-Argerich Foundation Conference in Cleveland 2024“, „B.R.A.N.D. NEW projects 2020-2024“; Презентација на проектот наречен „B.R.A.N.D. NEW: Business, Relations, Audience, Narration, Digital for the NEW Music World“, неговите активности, работилници, мастер-класи, концерти и други настани реализирани во процесот, сите наменети за млади музичари, кофинансирани од Creative Europe. Овој проект вклучува: „EMCY Goes Detect Classic Festival – Germany 2021“, „Young Digital Classic – Austria 2021/2022“, „Musical Train – Lithuania & Luxembourg 2022“, „EMCY Conference and General Assembly in Bonn 2022“, „Artistic Fusion “Drumming in the Living Room” – Luxembourg 2023“, „Neuwied 2024: Workshops and Digital Concert“, „MOON ‘Museum Occasional Open Night’ – Lithuania 2024“, „Glowing Harp Fest: ‘Synthesis of Arts 2023, Croatia / ‘Playing with the tape’ 2024, Ukraine“, „EMCY Conference and General Assembly in Vilnius 2024“, „Peace – Music – Freedom. International Masterclasses, Workshops and Concerts“ во Паланга 2024, „K-Wiki“ и „brandnewproject.eu“ дигитални платформи – Германија и Литванија 2024, „The Kloster Schöntal Goes Digital (the Competition App) Германија 2024.“

Повеќе за проектите „B.R.A.N.D. New“: https://emcy.org/projects/brandnew/

Формиран е новиот управен одбор на EMCY со поддршка од претставници од членките натпревари, од кои некои добија полномошно и глас од организаторите на други натпревари кои не можеа да присуствуваат на Собранието (вкупно 32 гласа на ова Собрание, без да се вклучат дополнителните гласови на членовите на одборот) и го потврдија претходно привремениот одбор на EMCY.

Претседател е г. Јустас Дварионас (Литванија), додека потпретседател за национални натпревари е г. Борис Светиев (Северна Македонија), а потпретседател за меѓународни натпревари е г-ѓа Вероника Лемишенко (Украина). Делегатите избраа и два нови членови на одборот, со експертиза во областа на националните и меѓународните натпревари: Сив Кристин Клипен (Норвешка) и Патрик Ерисман (Швајцарија).

Г-дин Пол Шолер (Луксембург), кој претходно ја држеше функцијата претседател, чија напорна работа низ годините беше истакната со особена пофалба, беше прогласен за почесен член на одборот на EMCY, одлука која едногласно беше одобрена од присутните.

Адвокатот Јустас Вилјис презентираше прашања за авторските права поврзани со дистрибуција на нотни записи и права на изведба на музички натпревари за време на конференцијата.

Семејството на EMCY моментално има 15 државни членки натпревари и 28 меѓународни членки натпревари. Два нови натпревари се „на пат“  да станат почноправни членови и веќе го започнаа процесот на приклучување во EMCY. Тоа се „International Klaipėda David Geringas Violoncello Competition“ (Литванија) и „National PanCyprian Avantgard Competition for Young Pianists“ (Кипар).

Categories: ВЕСТИ